Campagna d'informaziun "Iö sun a öna!"

25 müsc, 25 stories, n messaje su: "Iö sun a öna. Por te. Por me. Por nos!". Ciodí él pa avisa sëgn tan important da se tigní ales regoles de prevenziun? Al nes é gnü dé respostes dër personales y de bones rajuns. Simbolisé n sorí cun le poresc y le dëit da mostré é da odëi sciöche sëgn de respet y dess nes daidé recordé te certes situaziuns les regoles de prevenziun. Sëgn nen vára da mëte averda, surantó responsabilité y ester cosciënc che vigni porsona pó dé so contribut por tigní fora na ona de Coronavirus nöia.

Videos

YouTube Terms of Service | Google Privacy Policy

Regoles de prevenziun

Halte Abstand!

Ciarede di atri y de os instësc – respetede la destanza!

De regola velel:
Stede dagnora 1 n meter dainciará (chësc ne vel nia por porsones che vir adöm tla medema ciasa). Sce i ne stëis nia 1 n meter dainciará, messëise se stopé la bocia y le nes.

Stopesse dagnora la bocia y le nes y stede dagnora 1 n meter dainciará ti locai publics (botëghes, bars, posta, ofizi daverc por le publich, y i.i.).

Stopesse dagnora la bocia y le nes ti mesi de trasport publics.

Stopesse dagnora la bocia y le nes y stede dagnora 1 n meter dainciará da fá sport y tl tëmp lëde, sce i incuntëis d’atres porsones.

 

Halte die Hygienerichtlinien ein!

Ciarede di atri y de os instësc y respetede les regoles d‘igiena!

Lavé les mans:
Lavesse y dejinfetesse sovënz les mans. Tolesse dagnora para n dejinfetant y adoredele sce i ëis contat cun d’atres porsones o sce i brancëis ite ogec o surasperses.

Dejinfeté les surasperses:
Dejinfetede regolarmënter i ogec che i adorëis tresfora (fonin, tastadöra…) y les surasperses (mëses, snoles…) cun n dejinfetant da alcol o clor.

No s‘aziché le müs cun les mans:
Ne stede a s’aziché i edli, le nes o la bocia.

Mund-Nasen-Bedeckung!

Ciarede di atri y de os instësc y stopesse la bocia y le nes!

Can pa?

  • Canche an ne stá nia 1 n meter dainciará;
  • te düc i locai publics (botëghes, bars, posta, ofizi, y i.i.), te posć y plazes olache al é tröpa jënt, mësson tres sté altamo 1 n meter dainciará;
  • da fá sport y tl tëmp lëde, sce an incunta d’atres porsones.

Ciodí pa?
I stravardëis i atri da n’infeziun da gotes y os instësc da n’infeziun da contat.

Ci tó?
Mascheres chirurgiches, mascheres de papier o fazorí da incër le col o val’ atra proteziun de peza spëssa.