Mosöres de sostëgn y aiüt

Chëstes mosöres de sostëgn y aiüt á chisc obietifs: pröm cherié licuidité por les families y les impreses, sciöche ince garantí posć de laur, secundo daidé tl caje de malester sozial y terzo ti dé na sbürla al‘economia. Al momënt se conzentrëia le pachet por l‘conomia, les families y le sozial „I piun indô ia Südtirol“ sön le pröm obietif. Chiló él da ciafé i cosć complessifs Covid por la Provinzia dal 2020 al 2022.

Licuidité por families y impreses

IDM Restart Südtirol

Restart Südtirol é le pachet de mosöres de IDM aprové dala Junta provinziala por fá indô pié ia l’economia dl Südtirol.

Termins & cutes

Por daidé les families y les impreses vëgnel sburlé i termins de paiamënt de cutes y tasses provinziales y comunales desvalies y al vëgn sospenü cina ai 31 de ma i termins por ti dé jö i documënc, les istanzes y les domandes ales aministraziuns.

Laur y paiamënc

Chiló dessot ciafëise les mosöres che reverda l’integraziun dl paiamënt y le paiamënt dles antizipaziuns che alda lapró, l’indenité de dejocupaziun y i proiec d’inserimënt tl monn dl laur por porsones cun handicap.

Credic bancars y imprësć

Por ti ester le miú che ara vá ales conseguënzes economiches dla crisa gaujada dal Coronavirus por les families y les impreses, á la junta provinziala fat a na moda che ara jiss da fá n’acordanza danter les trëi banches plü conesciüdes dl Südtirol y les assoziaziuns de garanzia. Dötes les banches che á na filiala tl Südtirol pó tó pert al‘acordanza. I credic aprontá contignüs laite vëgn paiá fora a dötes les porsones che damana do dai 15 d’aurí inant a na moda nia burocratica.

Imprësć & contribuc - economia

Chiló ciafëise dötes les informaziuns sön l’arlungiamënt di termins di credic dal fonds de rotaziun por impreses, les scemplificaziuns che reverda i contribuc y i investimënc y i aiüc aprontá pro de gragn smendrimënc dl faturé.

Rëi soziala

La Junta provinziala dëida les families, i afitadins y i proprietars de prömes ciases sburlan i termins de credic y afic.

Mosöres aprontades por la cultura

Por la cultura ladina él preodü contribuc por artistes y artisć.

Mosöres aprontades por l'agricoltura

Chiló ciafëise i sostëgns por les impreses agricoles porvia dl'emergënza COVID-19.